Mumunting tagumpay dapat linangin…

Mumunting  tagumpay dapat linangin…


Ayon kay Engr. Oscar Tojon, pumayag in principle, ang Cemex Philippines, Inc. na bigyan ng sampung (10) taong Right-of-Way ang Barangay Calumpang para sa Cableway Road portion mula sa Big A & A Compound hanggang sa Katipunan Road.  Ang 6-meter-wide at 550 meter-long na alternatibong daan ay  maaari ng ipa-aspalto ng lokal na pamahalaan sa ikagiginhawa ng maraming sitio na direktang konektado dito.

Maganda ang takbo ng locally generated income ng Barangay- bayad sa business at construction permits, barangay IDs, certifications at clearances.  Kabilang dito ang percentage ng Barangay mula sa Municipal collections sa sedula at Real Property Tax.  Kudos kina Treasurer Karen Aran at staff.

Nabigyan ng Oxfam (Oxford Committee for Famine Relief) ng Livelihood Assistance Grant ang Samahang Kapitbahayan ng Gervacy para sa kanilang proyektong Alamang ng Calumpang.  Makatutulong ang grant na ito hindi lamang para makabangon muli ang mga nasalanta ng bayong Ondoy kundi upang makagawa rin ng  produktong magpapakilala sa Calumpang – One Barangay, One Product.

Ang Friends Indeed USA Inc., isang US-based-foundation, sa pamamahala ni Ms. Nena Kaufman, na nagbigay ng relief goods sa mga biktima ng bagyo, ay nakatakdang maging sponsor din ng livelihood program para sa Samahang Kapitbahayan.

Tatlong programa ang isinumite ng Barangay kabilang ang Puhunang Pabalik-balik, Tubong Paulit-ulit ng MAGDIWANG; Makina na Panahi para sa Makinang na Kabuhayan ng Samahan ng Reyes Compound, at Gawang Welding na hindi laspagin ng Samahan sa Looban 1 .

Samantala, ang iba pang biktima na Ondoy ay napagkalooban ng tulong pinasiyal mula kina Gov, Casimiro Ynares III at Cong. Jack Duavit.

ASAC Summer Classes– Saluduhan nating ang programang pang-edukasyon ng Aktibong Samahan sa Cableway. Sa pagtuturo ng volunteer teachers,  pagpapagamit ng pribadong lugar para aralan ng mga bata at sa tiyaga ng mga magulang ay napagtapos ng Summer Classes ang mahigit 70 mag-aaral edad  tatlo hanggang anim na taon. Napakasipag ng Pangulong Dondon Oregas at tunay na nagtutulungan ang miyembro ng samahan.

Thumbs-Up para sa Calumpang na Best Barangay ng Binangonan at Finalist sa Best Performing Barangay ng 2008.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s