Facebook ng Calumpang Kong Hirang

Facebook ng Calumpang Kong Hirang

Busy, busy SBC!

Sa Monthly Flag Ceremony kada pangalawang Martes, may pag-uulat sa mamamayan ng mga proyekto ng Sanggunian at may pagmumulat din sa mga isyung binabalikat. Bonding at jamming time naman ng mga samahang kapitbahayan.

Bisita ang balikbayang si Estela Membrebe nitong Enero. May tulong si Es para sa mga Senior Citizens at may suporta sa itatayo na barangay public library.

Inilunsad sa flag ceremony nitong Pebrero ang Supplemental Feeding ng United Nations World Food Program at ng Munisipyo ng Binangonan.  Sa pamamahala ng Barangay Health Workers, ang mga bata edad 6–23 months, mahirap man o may kaya, ay binibigyan ng anim na buwang supply ng soya, gatas  at mantika. Inaasahang tataas ang timbang ng mga beneficiaries na regular na imo-monitor ng BHW.

Naging panauhin din ang mga kandidato ng Barkadahan pati ang doktora ng bayan at midwife ng barangay.
Solo ni Mayor Boyet Ynares ang March flag ceremony. Ibinalita niya ang programa ng administrasyon tulad ng kalde-kaldero timba-timba kawa-kawali. bigas at  limandaang pisong allowance sa mga hindi tumatanggap ng pension sa gobyerno.
May housing materials para sa nasalanta ng Ondoy at pangkabuhayan training ng BYM Ladies para sa kababaihan.  Nagpasalamat naman si Kapitan Jolan Aralar sa mga tulong ni  Mayor sa Calumpang:  pailaw sa court, truck ng basura at motor.

Kabilang ang SBC sa mga happenings ng munisipyo.


Sa Baguio, kasabay ang mga kapitan at kagawad ng buong Binangonan, kapiling ang Sangguniang Bayan….(February 1-2, 2010)

Naki-Barangay Assembly sa Kapitolyo sa kaarawan ni Governor Casimiro Ynares III. Bitbit pa ang Magdiwang (March 4, 2010)

Naki-birthday kay Joel Duavit sa Duavit Compound (March 23, 2010). Kapiling sina Cong. Jack Duavit at ang may kaarawan, Joel.

Nakimisa at nakiparada ang Sangguniang Kabataan, Council at Magdiwang sa Araw ng Binangonan (March 27, 2010)
Nakisuporta sa unang salbo ng kampanya ni Mayor Boyet Ynares at Barkadahan (March 26, 2010)

Punong-puno ang kamay ng SBC sa sabay-sabay na kaganapan at sunud-sunod na programa ng sports development. (Marso 21, 2010, nagkaroon ng:


Simultaneous Captain’s Cup and Sangguniang Kabataan Basketball tournaments

Synchronized Barangay Assembly: Nag-ulat ang Sanggunian ng mga programa at proyekto.  Kabilang dito ang tungkol sa climate change; livelihood programs na isinumite sa Oxfam (Oxford Committee for Famine Relief) para sa rehabilitation ng typhoon Ondoy victims; mini-dyaryo, blogsite at facebook account ng Calumpang; scholars ng barangay; ordinansa tungkol sa Solid Waste Management at Responsible Pet Ownership; serbisyo ng Barangay Tanod at Lupon; at maayos na kalagayang pananalapi ng barangay.
Binuksan din ni Kap. Jolan Aralar ang mga pinaghahandaan ng Sanggunian tulad ng patubig sa Lirio Compound, alternatibong daan sa Cableway Road at ang pag-aayos ng boundary ng barangay sa mga karatig nito.
Habang abala sa parada at laro, may iba namang pinapanood ang kabarangay – Photo Exhibit. Featuring the Basketball Court of our affections, barangay officials then and now, Pritil ng ating Pangarap, Lakambini ng Calumpang, Taga-Calumpang Din Po Kami, arts and artists at institutions. Parang history ng Calumpang capsulized in 8 panels. A basketball player muses, “This helps us reminisce our colorful past”.


Ang Ynares Multi-Purpose Covered Court ay tila si Kuratcha, ang court na walang pahinga dahil sa sandamakmak ang paliga.  May SK, 22 teams; may Captains Cup, 9 teams; may tournaments para sa 40 years & above ni Eddie Aragones, 7 teams; Open Age ni August Tabilin,  11 teams; at Invitational ni Pepe Ulang, 14 teams. Si Kag. JR Pitisan ang namahala sa Captain’s Cup.

May Invitational Volleyball din si SK JM Paralejas na may 9 teams sa men’s at 22 teams sa women’s tournament.

May Softball League sa pamamahala nina Uro Celestra, Angie Burgos at Memok Membrebe. Pitong teams ang kasali at duon sa parang ng Saperia ginanap. Tumulong ang Sanggunian sa pamamagitan ni SK JM na sumagot ng gamit pang-liga. May softball team ang Calumpang na inilahok sa Macamot Inter-Barangay Softball League.
Busy rin ang SBC sa health and sanitation concerns.

Nagsagawa ng libreng Pagbabakuna ng Aso sa ilalim ng pamamahala ni Agriculture & Fisheries Chair Banjo de Leon.  301 aso ang nabakunahan, paghahanda sa inilalapat na ResPETo – Reponsable Pet Ownership Ordinance. Kailangang iparehistro ang alagang aso, regular na pabakunahan ito, magkaroon ng kulungan o tali upang hindi gumala at magdumi o mangagat. May Huli Aso team para sa stray dogs.

Anti-measles Vaccination para sa sanggol anim na buwan at bata hanggang pitong taon ang isinagawa na BHW sa pamamahala ni Health & Sanitation Chair Bembol Yadao.  680 bata ang beneficiaries.

4 thoughts on “Facebook ng Calumpang Kong Hirang

  1. with the flag ceremony every 2nd tuesday of every month, it looks like each and every one are getting closer, go go go have some more, the winner never say excuse but they give solutions.

  2. Ipinagmamapuri kita Kapjo kahit di na ako taga Calumpang nakikita ko ang pagpapagal mo para sa mga nasasakupan mo. Mas marami ang nagmamahal sa ‘yo kaysa sa mga mapanuring mata na walang ginawa kundi mag isip ng ikasisira mo. Batid ng lahat ang layunin mong maging “Bagong Baranggay” ang lupa nating tinubuan.

    Malaki na ang iniunlad ng Calumpang!!! Hahayaan nyo pa bang mawala ito?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s